អតីតកីឡាករអង់គ្លេស និងធ្លាប់ជាខ្សែការពារឲ្យក្លឹបមេឃខៀវ Manchester City គឺលោក Micah Richards បាននិយាយកន្លងទៅនេះ ដោយលោកជឿថា Sergio Aguero មិនទាន់អាចជាប់ឈ្មោះជាខ្សែប្រយុទ្ធល្អបំផុតប្រចាំប្រវត្តិសាស្រ្តក្លឹបបាននោះទេ។
ជាការពិត Aguero សព្វថ្ងៃគេមានឈ្មោះជាកីឡាកររកបានគ្រាប់បាល់ច្រើនបំផុត ដោយមាន ២៥៧ គ្រាប់ ហើយក៏ត្រៀមនឹងចាកចេញនាបញ្ចប់រដូវកាល បន្ទាប់ពីរួមរស់អស់រយៈពេលជាង ១០ ឆ្នាំ។
ដោយឡែកសម្រាប់ Richards បែរជានិយាយថា Carlos Tevez ឯណោះដែលជាកីឡាករពោរពេញដោយគុណភាពល្អឥតខ្ចោះសម្រាប់ City ដោយគេមានគុណភាពគ្រប់បែបយ៉ាងនៅតំបន់ជួរមុខ។ បុរសសញ្ជាតិអាហ្សង់ទីនចាយពេល ៤ ឆ្នាំនៅ City ដោយមានឈ្នះពាន Premier League និង FA Cup មុនចាកចេញទៅ Juventus នៅឆ្នាំ ២០១៣។
Richards បាននិយាយថា៖ “និយាយពីសមត្ថភាពចម្រុះគឺ Tevez គេនៅលើ Sergio Aguero ដោយ Tevez គេអាចផ្តល់ឲ្យក្នុងការប្រកួតច្រើនជាង ហើយគ្រប់កន្លែងទាំងអស់នៅតំបន់ប្រយុទ្ធទាំង ៣ គឺគេអាចលេងបាន និយាយទៅគេខិតខំខ្លាំងជាងនរណាទាំងអស់”៕
ប្រភព៖ SportBible
អានអត្ថបទបន្ទាប់៖ ក្រោយចាយពេល ៧ ឆ្នាំ កូនមាន់មួយរូបត្រៀមនិយាយពាក្យ លា ទៅកាន់ក្លឹប Spurs
ក្លឹប Tottenham Hotspur ប្រឈមអាចនឹងបាត់បង់ខ្សែប្រយុទ្ធស្លាបកាន់ឆ្នាំមួយរូប នៅទីផ្សារដោះដូររដូវក្តៅខាងមុខ ហើយនោះគឺ Erik Lamela។
បើតាមរបាយការណ៍ពី Goal បានឲ្យដឹងថា កីឡាករអាហ្សង់ទីនអាចនឹងវិលត្រលប់ទៅក្លឹបចាស់របស់ខ្លួនមុនពេលគេផ្ទេរមក Spurs នោះគឺក្លឹប AS Roma នៅឯលីគកំពូលអ៊ីតាលី Serie A។
មូលហេតុនៃការចាកចេញក៏ដោយសារពេលវេលាបង្ហាញខ្លួនលើទីលាន ចាប់ផ្តើមចុះថយ ជាពិសេសក្រោយពេលការមកដល់របស់ Gareth Bale។ នៅរដូវកាល ២០២០/២១ Lamela ច្រើនតែលេងបម្រុង ដោយ ៣៣ ប្រកួត ឈរជើងពេញម៉ោងតែ ១ ៣៨៣ នាទី ហើយរកបាន ៤ គ្រាប់និង Assist ១ លើក។
កីឡាករវ័យ ២៩ ឆ្នាំ បានរួមរស់នៅ Spurs តាំងពីឆ្នាំ ២០១៣ ហើយកាលនោះក្លឹបចាយអស់ ៣០ លានអឺរ៉ូ នាំគេចេញពី Roma។ យ៉ាងណាដោយសារកុងត្រារបស់គេត្រៀមផុតនៅឆ្នាំក្រោយ ២០២២ ផង អ៊ីចឹងតម្លៃផ្ទេរនៅរដូវក្តៅខាងមុខ Spurs ទំនងអាចទទួលបានតែជាង ១៥ លានអឺរ៉ូអ្វីតែប៉ុណ្ណោះ៕
ប្រភព៖ Goal