លោក Carlo Ancelotti បានបង្ហាញខ្លួនជាផ្លូវការក្នុងនាមជាអ្នកចាត់ការក្លិប Real Madrid នៅសប្ដាហ៍នេះ ស្របពេលកីឡាករមួយចំនួនដែលមិនស្ថិតនៅក្នុងជម្រើសរបស់លោក Zinedine Zidane នៅតែប្រឈមនឹងការលក់ចេញដដែល។
រំឭកកាលលោក Ancelotti មកដឹកនាំ Real Madrid លើកដំបូង លោកក៏បានសម្រេចចិត្តលក់ខ្សែបម្រើ Kaka ដែលធ្លាប់ជាកូនក្រុមសំណព្វចិត្តកាលលោកនៅដឹកនាំ AC Milan ដូច្នេះកីឡាករដែលធ្លាប់លេងក្រោមការដឹកនាំរបស់លោកកន្លងមក ក៏មិនធានាថាក្លិបមិនលក់ពួកគេចេញនោះឡើយ។
Isco, Marcelo និង Gareth Bale ទំនងត្រូវបានលក់ចេញអំឡុងការដោះដូររដូវក្ដៅនេះ ដើម្បីទាញយកលុយទិញកីឡាករថ្មីវ័យក្មេងមកចូលរួមជំនួសវិញ។
ទោះមានមនោសញ្ចេតនាជាបុគ្គលជាមួយកូនក្រុម តែការសម្រេចចិត្តរបស់លោក Ancelotti ត្រូវផ្អែកលើកាលៈទេសៈជាក់ស្ដែង ហើយពេលវេលារបស់កីឡាករបីរូបខាងលើនៅ Real Madrid ទំនងជាអស់ត្រឹមនេះហើយ៕
ប្រភព៖ Football Espana
អានអត្ថបទបន្ទាប់៖ អស់ពីប្អូនប្រុស ថ្ងៃនេះឪពុករបស់ Aguero ម្តង ព្រ.លះមិនទុកមុខដាក់អ្នកចាត់ការក្លឹប Man City
កាលពីប៉ុន្មានថ្ងៃមុន យើងធ្លាប់បានចុះផ្សាយម្តងរួចមកហើយ ពាក់ព័ន្ធនឹងការដែលប្អូនប្រុសបង្កើតរបស់ Sergio Aguero បាននិយាយទៅកាន់លោក Pep Guardiola ថា គ្រូម្នាក់នេះមិនដែលចង់បានបងប្រុសរបស់ខ្លួនម្តងណានោះទេ តែសារនោះក៏បានលុបចោលវិញក្រោយការបង្ហោះប៉ុន្មាននាទី។
មកមើលថ្ងៃនេះវិញ ក៏ស្រាប់តែឪពុកបង្កើតរបស់កីឡាករអាហ្សង់ទីនម្តង នោះគឺ Leonel del Castillo បានដាក់ចំៗទៅកាន់គ្រូ Man City ក្រោយបរាជ័យនៅ UEFA Champions League កាលពីចុងសប្ដាហ៍មុន ដោយថាទឹកភ្នែករបស់ Pep គ្រាន់តែជាការសម្តែង។
ប្រាប់ Radaio La Red ឪពុករបស់ Aguero និយាយ៖ “ខ្ញុំមិនជឿលើទឹកភ្នែករបស់គេ [Pep] នោះទេ វាគ្រាន់តែជាការសម្តែង គេមិនដែលចង់បានកូនប្រុសរបស់ខ្ញុំម្តងណាឡើយ ក្នុងការយល់ឃើញរបស់គេ គឺមើលមិនឃើញកូនប្រុសខ្ញុំតែម្តង”។
លោកបន្តថា៖ “Guardiola ជាអ្នកចាត់ការល្អហើយ តែគេតែងតែចង់ធ្វើជាតួឯកសំខាន់ក្នុងក្រុម ដោយពីមួយថ្ងៃទៅមួយថ្ងៃ តែងតែប្តូរកីឡាករឬខ្សែបម្រើ រហូតដល់ថ្នាក់នាំឲ្យកីឡាករលែងដឹងច្បាស់ថាពួកគេពិតជាសំខាន់សម្រាប់ក្លឹបឬអត់ ដោយគេនិយាយថា Sergio គ្មាននរណាអាចមកជំនួសបាន តែបែរជាមិនដាក់ឲ្យគេចូលលេង”។
គួររំឭកថា Aguero ទីបំផុតបានសម្រេចការផ្ទេរមកក្លឹប FC Barcelona ក្រោមតម្លៃផ្ទេរ ០ សេន្ត ហើយមានសុពលភាពកុងត្រារយៈពេល ៣ ឆ្នាំ ដូចទៅនឹង Eric Garcia ជាកីឡាកររួមទ្រនំនៅ City កន្លងមកដែរ៕
ប្រភព៖ AF