អនាគតរបស់ខ្សែប្រយុទ្ធ Kylian Mbappe នៅតែជាប្រធានបទដ៏ក្តៅគគុក ដើម្បីពិភាក្សានៅមុនទីផ្សារដោះដូរកីឡាកររដូវក្តៅខាងមកឈានចូលមកដល់ បន្ទាប់ពីតារាឆ្នើមរបស់ក្រុម Paris Saint-Germain នៅសល់កុងត្រាមិនយូរទៀតនោះទេ ។
ហើយយ៉ាងណា វាហាក់មិនមានអ្វីត្រូវបានលាក់បាំងទៀតនោះឡើយ ខណ: Mbappe បានបង្ហាញថាខ្លួន ពិតជាចង់ផ្ទេរទៅចូលរួមជាមួយក្លិប Real Madrid នៅពេលត្រូវដើរចេញពីក្លិបយក្សបារាំងនោះ ។
មិនតែប៉ុណ្ណោះ ដោយបន្ថែមពីការលើកឡើងបែបនេះ ខ្សែប្រយុទ្ធ Zlatan Ibrahimovic ក្នុងពេលថ្មីៗ ក៏បានផ្តល់យោបល់ដល់ខ្សែប្រយុទ្ធវ័យ ២៣ ឆ្នាំ ថាគួរតែផ្ទេរទៅកាន់ទឹកដីអេស្ប៉ាញជាមួយក្លិប Madrid ផងដែរ ។
លើសពីនេះ ដោយនិយាយទៅកាន់ L’Equipe នៅពេលសួរអំពីអនាគតរបស់ Mbappe ខ្សែប្រយុត្ធសញ្ជាតិស៊ុយអែត លើកឡើងថា ៖ ” មានតែ Kylian ម្នាក់ទេ ដែលអាចឆ្លើយសំណួរនេះបាន វាអាស្រ័យលើអ្វីដែលគាត់ចង់បាន និងអ្វីដែលគាត់កំពុងគិត ។ វាជាការពិត ដែលថ្ងៃមួយនោះ គាត់បានមកសួរខ្ញុំ ហើយខ្ញុំបានឆ្លើយថា ‘ប្រសិនបើខ្ញុំជាគាត់ ខ្ញុំនឹងទៅ Real Madrid ” ។
គេបន្តទៀតថា ៖ ” ខ្ញុំមានឱកាសលេងឱ្យក្រុមផ្សេងៗគ្នានៅក្នុងប្រទេសផ្សេងៗគ្នា នោះហើយជារបៀបដែលខ្ញុំបានរៀនសូត្រ និងធំធាត់ឡើង។ ប៉ុន្តែសម្រាប់ការលេងនៅតែក្នុងស្រុកកំណើតរបស់អ្នកពេញមួយអាជីព វាជារឿងងាយស្រួល “៕
ប្រភព: Marca
អានអត្ថបទបន្ទាប់៖ តោះ! មកដឹងលក្ខខណ្ឌកុងត្រាសំងាត់ ដែលអាចឲ្យ Ronaldo រកលុយបានខ្ទង់លានៗ បើធ្វើរឿងទាំងនេះបាន
ថ្មីៗនេះមានរបាយការណ៍មួយ បានបង្ហាញពីលក្ខខណ្ឌកុងត្រាសំងាត់ ដែលអាចធ្វើឲ្យខ្សែប្រយុទ្ធ Cristiano Ronaldo រកបានចំណូលខ្ទង់លានផោន ដែលមាននៅក្នុងកិច្ចសន្យា ជាមួយក្រុមបិសាចក្រហម Manchester United បន្ទាប់ពីការវិលត្រលប់ដ៏គួរឲ្យភ្ញាក់ផ្អើល កាលពីរដូវក្តៅកន្លងទៅ ។
ជាក់ស្តែង តារាឆ្នើមសញ្ជាតិព័រទុយហ្គាល់បានយល់ព្រមលើកិច្ចសន្យារយៈពេលពីរឆ្នាំ ជាមួយប្រាក់ឈ្នួល អាចរកបាន ៤៧៥,០០០ ផោន ក្នុងមួយសប្តាហ៍ ប៉ុន្តែបានកាត់បន្ថយប្រាក់ខែរបស់ខ្លួនជាច្រើន ដើម្បីអាចចាកចេញពី Juventus ក្នុងការផ្ទេរមកទឹកដី Old Trafford វិញ។
មិនតែប៉ុណ្ណោះ ក្រុម Man United បានចំណាយទឹកប្រាក់ប្រហែល ១២ លានផោន ដើម្បីនាំយក Ronaldo ត្រឡប់មកវិញ ប៉ុន្តែបើយោងតាមកាសែត Daily Star បានអះអាងថា ក្រុមបិសាចក្រហមបានទាក់ទាញខ្សែប្រយុទ្ធរូបនេះ ដោយរួមបញ្ចូលជាមួយប្រាក់រង្វាន់ផ្សេងៗបន្ថែមទៀត នៅក្នុងកុងត្រានោះ ។
វាត្រូវបានគេយល់ថា ប្រសិនបើ Ronaldo ជួយ Man Utd ឈ្នះ Champions League , ហើយឈ្នះពាន UEFA Player of the Year ឬមួយអាចឈ្នះពាន Ballon d’Or បន្ថែមទៀត នោះរូបគេ នឹងទទួលបានប្រាក់សុទ្ធចំនួន ១ លានផោន ក្នុងចំណោមពានរង្វាន់នីមួយៗ ដែលបានរៀបរាប់ ៕
ប្រភព: Sportbible