លោក Rio Ferdinand បាននិយាយថា Cristiano Ronaldo គួរតែលេងក្នុងជម្រើសដំបូងសម្រាប់ Manchester United អំឡុងការប្រកួតបើកឆាក កាលពីចុងសប្ដាហ៍កន្លងទៅ ដែលចាញ់ Brighton ២-១។
ក្រុមបិសាចក្រហម ត្រូវបានគូប្រកួតនាំមុខ២គ្រាប់ នៅក្នុងវគ្គទី១ មុនពេលទទួលបានមួយគ្រាប់វិញ ដោយបាល់ own-goal នៅក្នុងវគ្គទី២។
អតីតខ្សែការពារ Man Utd លោក Ferdinand ស្ថិតនៅក្នុងចំណោម អ្នកដែលគិតថា Ronaldo គួរតែជាប់ជម្រើសដំបូង ក្នុងប្រកួតបើកឆាកលីគកំពូលអង់គ្លេស ដោយលោកបាននិយាយនៅក្នុងឆាណែលយូធូបរបស់ខ្លួន។
លោក Ferdinand និយាយថា៖ “សម្រាប់កីឡាករម្នាក់ រឿងអាក្រក់បំផុតសម្រាប់អ្នកគឺ អង្គុយបម្រុងហើយប្ដូរចូល។ អ្នកខ្លះដែលមិនទាន់ fit អ្នកបានដាក់គេលេង ហើយនិយាយថា អ្នកនឹងដាក់ឱ្យលេង៤៥នាទី ហើយធ្វើអ្វីដែលអ្នកធ្វើ”។
“គេមានបទពិសោធគ្រប់គ្រាន់ ដើម្បីបង្កើនល្បឿនរបស់ខ្លួនក្នុងការប្រកួត។ អ្នកត្រូវតែទុកចិត្តលើកីឡាករទាំងនេះ នៅពេលដែលពួកគេមានអាយុច្រើន និងបទពិសោធ គេជាកីឡាករម្នាក់ដែលល្អបំផុតគ្រប់ពេល”។
អតីតខ្សែការពារអង់គ្លេសរូបនេះ បានបន្ថែមថា៖ “ខ្ញុំអាចនឹងដាក់ Ronaldo នៅតំបន់ប្រយុទ្ធ ជាមួយ Rashford នៅខាងឆ្វេង Sancho នៅខាងស្ដាំ”។
ជម្រើសដំបូងរបស់ Man Utd ដែល Ferdinand ចង់បាននោះគឺ De Gea; Dalot, Varane, Maguire, Shaw; Fernandes, Martinez, Eriksen; Rashford, Ronaldo, Sancho៕
ប្រភព៖ Manchester Evening News