អតីតខ្សែការពារឆ្នើម លោក Gary Neville ថ្មីៗនេះ បាននិយាយថាកីឡាករចំណូលថ្មីបីនាក់ របស់ក្រុមបិសាចក្រហម Manchester United បានជួយឱ្យក្លិបមានការផ្លាស់ប្តូរបានច្រើន នៅក្នុងរដូវកាលនេះ ។
ជាក់ស្តែង លោក Neville បានអះអាងទៀតផងដែរថា លោកសង្ឃឹមថាកីឡាករ ៣ រូប ដែលមានដូចជា Tyrell Malacia , Martinez និង Christian Eriksen នឹងអាចជួយក្រុម Man United ទទួលបានទម្រង់លេងល្អប្រសើឡើងវិញ បានឱ្យឆាប់តាមដែលអាចធ្វើទៅបាន បើទោះបីជាបានចាញ់ក្រុម Man Utd ដោយលទ្ធផល ៦–៣ កាលពីយប់មិញក៏ដោយ ។
លើសពីនេះ បុរសសញ្ជាតិអង់គ្លេស បាននិយាយប្រាប់ទៅកាន់ Sky Sport ថា ៖ ” Malacia, Lisandro Martinez និង Christian Eriksen ខ្ញុំគិតថាពួកគេបានផ្លាស់ប្តូរក្រុមនេះ ជាមួយកាយវិការ គុណភាព រួមទាំងការតាំងចិត្តខ្ពស់របស់ពួកគេ នឹងជួយឱ្យក្រុមនេះវិលមករកភាពល្អប្រសើឡើងវិញ នៅក្នុងពេលឆាប់ៗខាងមុខ ” ។
បន្ថែមពីនេះ លោក Neville ក៏បានលើកសរសើរចំពោះខ្សែប្រយុទ្ធ Marcus Rashford ផងដែរ ដោយនិយាយថា ក្នុងពេលឥឡូវនេះ គេមើលទៅជាកីឡាករម្នាក់ផ្សេងទៀត ដែលខុសគ្នាទាំងស្រុង បើធៀបទៅនឹងរដូវកាលមុន ៕
ប្រភព: AF