អនាគតរបស់អ្នកចាំទី Keylor Navas នៅមួយរយ:ពេលចុងក្រោយនេះ ហាក់កំពុងស្ថិតនៅក្នុងភាពសង្ស័យយ៉ា់ងខ្លាំង បន្ទាប់ពីគេមិនសូវទទួលបានឱកាសលេងច្រើននោះឡើយ នៅក្នុងក្លិបយក្សបារាំង Paris Saint-Germain ។
យ៉ាងណាមិញ ដូចដែលបានចុះផ្សាយដោយសារព័ត៌មាន L’Equipe បានបង្ហាញថា ពេលវេលារបស់កីឡាករសញ្ជាតិកូស្តារីការូបនេះ នៅក្លិប PSG ទំនងជាអាចត្រូវបញ្ចប់ហើយ បន្ទាប់ពីគេ បានយល់ព្រមទទួលយកសំណើផ្តល់ជូនចុងក្រោយមួយ ពីសំណាក់ក្លិប Nottingham Forest នៅក្នុងក្របខ័ណ្ឌ Premier League ។
ប្រភពដដែលនេះ បានបង្ហាញឱ្យដឹងទៀតថា ការចរចារវាងភាគីទាំង ហាក់ទទួលបានផលវិជ្ជមានច្រើនគួរឱ្យកត់សម្គាល់ ក្នុងរយ:ពេលប៉ុន្មានថ្ងៃចុងក្រោយនេះ ហើយឥឡូវនេះ អ្វីៗគឺស្ថិតនៅតែលើក្លិប PSG ប៉ុណ្ណោះ ដើម្បីបើកភ្លើងខៀវឱ្យការផ្ទេរមួយនេះ ដំណើរការទៅមុខទៀតបាន ។
ទន្ទឹមនឹងនេះ Al Nassr ដែលជាក្រុមថ្មីរបស់ Cristiano Ronaldo ក៏បានបង្ហាញការចាប់អារម្មណ៍លើអតីតកីឡាកររបស់ Real Madrid រូបនេះផងដែរ ប៉ុន្តែយ៉ាងណា Navas ត្រូវបានគេជឿថាពេញចិត្តក្នុងការស្នាក់នៅក្នុងលីគកំពូលរបស់អឺរ៉ុបបន្ត ហើយទឹកដីអង់គ្លេសគឺជាកន្លែងដ៏ទាក់ទាញមួយសម្រាប់រូបគេ ៕
ប្រភព: AF