ប្រធានលីគកំពូលអេស្ប៉ាញ លោក Javier Tebas និយាយកាលពីថ្ងៃព្រហស្បតិ៍ថា លោកគាំទ្រ Real Madrid នៅក្នុងវគ្គពាក់កណ្ដាលផ្ដាច់ព្រ័ត្រ UEFA Champions League ជើងទី២ទល់នឹង Manchester City។
នៅក្នុងការប្រកួតជើងទី១ ក្រុមទាំងពីរបានបញ្ចប់ការប្រកួតដោយលទ្ធផលស្មើគ្នា ១-១ ពីគ្រាប់បាល់របស់ Vinicius Junior និង Kevin de Bruyne ឱ្យក្រុមរបស់ពួកគេរៀងៗខ្លួន។
លោក Tebas និយាយថា៖ “វាជាការប្រកួតដ៏អស្ចារ្យ។ ការលេងរបស់ Madrid នៅក្នុងជើងទី២ ត្រូវតែអស្ចារ្យ។ ខ្ញុំនឹងគាំទ្រ Real Madrid”។
លើសពីនេះទៅទៀត ថ្នាក់ដឹកនាំរបស់ La Liga រូបនេះ បង្ហើបថា ខ្សែប្រយុទ្ធវ័យក្មេង Vinicius Jr. គឺជាកីឡាករល្អបំផុតមួយរូប ហើយតារាឆ្នើមប្រេស៊ីលរូបនេះ នឹងឈ្នះពានកីឡាករល្អបំផុត។
លោកបន្ថែមថា៖ “គេជាម្នាក់ក្នុងចំណោមកីឡាករល្អបំផុត។ ខ្ញុំពិតជាភ្ញាក់ផ្អើល ដែលគេមិនមានឈ្មោះក្នុងបញ្ជី FIFPRO។ Vinicius នឹងឈ្នះពាន Ballon d’Or”៕
ប្រភព៖ Be Soccer