អ្នកចាត់ការលោក Pep Guardiola បានដាក់គោលដៅបន្ទាប់រួចរាល់ហើយ ប្រសិនណាអាចសម្រេចសមិទ្ធផលធំខាងមុខគឺការឈ្នះពានរង្វាន់ ៣/រដូវកាល ជាមួយក្លឹប Manchester City។ នោះគឺការរកបានគ្រាប់បាល់ទល់ក្លឹប Spurs ក្នុងទឹកដីរបស់ពួកគេផ្ទាល់តែម្តង។
ជាការពិតសព្វថ្ងៃ Guardiola បានឈ្នះ Premier League នៅឡើយ FA Cup និង Champions League សេសសល់មួយប្រកួតរៀងគ្នា តតាំងយកឈ្នះចាញ់លើកពានតែម្តង។ បន្តទៅជំហានបន្ទាប់ ស្រាប់តែគ្រូសញ្ជាតិអេស្ប៉ាញ លើកឡើងបែបអស់សំណើច៖ “ការស៊ុត Spurs ក្រៅដីពួកយើង គឺជារឿងដែលខ្ញុំចង់ធ្វើបន្ទាប់ទៀត”។
លោកបន្ត៖ “ខ្ញុំនឹងបន្តនៅទីនេះ ខ្ញុំចង់យកឈ្នះ Spurs នៅក្រៅដីពួកយើងឲ្យបាន”។ រំឭកដែរថា ក្លឹបល្បីឈ្មោះនៅអង់គ្លេស City យកឈ្នះក្លឹបដទៃៗផ្សេងបាន ដល់តែប៉ះ Spurs នៅទឹកដីទីក្រុងឡុង បែរមិនអាចយកឈ្នះសោះ ដូចរដូវកាលនេះ ចាញ់ ១-០។
ជាក់ស្តែងបើរាប់ជារួម ចាប់តាំងការមកដឹកនាំរបស់លោក Pep Guardiola ៤ រដូវកាលចុងក្រោយ គឺបរាជ័យដូចគ្នា ទល់ Spurs នៅទឹកដីរបស់ពួកគេ រីឯការឈ្នះលើកចុងក្រោយគឺឆ្នាំ ២០១៨ ឯណោះ មានន័យថា City ចង់ឈ្នះ Spurs ក្រៅដី មិនជារឿងងាយដូចគិត៕
ប្រភព៖ SportBible