កាលពីពេលកន្លងទៅនេះ មានសារព័ត៌មានមួយចំនួនបានចុះផ្សាយអំពីក្រុម Manchester United ថាកំពុងតែត្រៀមទឹកប្រាក់ដើម្បីទិញយកកីឡាករ Thiago Almada ដែលមានតំណែងជាខ្សែបម្រើ និងត្រូវបានគេឲ្យរហស្សនាមថាជា “Lionel Messi ទី ២” ថែមទៀតផង ដោយសារតែទម្រង់លេងដ៏ល្អ និងមានសញ្ជាតិអាហ្សង់ទីនដូចគ្នា។
តែយ៉ាងណាមិញមិនមែនមានតែបិសាចក្រហមតែមួយប៉ុណ្ណោះទេ ដែលសម្លឺងឃើញខ្សែបម្រើវ័យ ១៩ ឆ្នាំរូបនេះ ពោលគឺក្លឹបដែលជាគូប្រជែង Manchester City ក៏ធ្លាប់ទាក់ទង និងកំពុងតែរង់ចាំឱកាសល្អដើម្បីទិញយករូបគេ។ ចំណែកឯតម្លៃខ្លួនខ្សែបម្រើដែលត្រូវបានគេហៅថាជា “Messi ទី ២” មានតម្លៃប្រមាណ ១៥ លានផោន។
យោងទៅតាមរបាយការណ៍ដែលទទួលបានពីសារព័តមាន The Sun បានចុះផ្សាយថា កីឡាករវ័យក្មេងរូបនេះចង់ដើរតាមគន្លង idol របស់ខ្លួនគឺ Carlos Tevez ដែលធ្លាប់បានលេងជាមួយនឹងក្លឹបត្រកូល Manchester ទាំង ២ ផងដែរ។
ប្រភពដដែលបានបន្តថា បើទោះបីជា Tevez ធ្លាប់បានលេងជាមួយក្រុមទាំង ២ ក៏ពិតមែន តែក្រុមមេឃខៀវ Man City ទំនងជាមានសង្ឃឹមខ្លាំងជាងក្នុងការនាំយក Almada មកបានសម្រេច ព្រោះថាក្រុមមេឃខៀវតែងតែចាប់អារម្មណ៍ជាមួយនឹងសមត្ថភាពរបស់កីឡាករវ័ក្មេងរូបនេះតាំងពីយូរមក ហើយក៏រំពឹងដែរថា រូបគេអាចជំនួសកីឡាករ David Silva ក្នុងរយៈពេលយូរអង្វែង៕
ប្រភព: AF
អានអត្ថបទបន្ទាប់៖ បុគ្គល ២ រូបជាអ្នកណែនាំ Salah ឲ្យបោះបង់សំណើ R.Madrid បន្តយក Liverpool កាលពីឆ្នាំ ២០១៨
បច្ចុប្បន្នកីឡាករ Mohamed Salah កំពុងតែបន្តលេងជាមួយនឹងក្លឹបហង្សក្រហម Liverpool ដែលបានទិញរូបលោកមកពីក្លឹប Roma កាលពីរដូវក្ដៅ ២០១៧ ក្នុងតម្លៃខ្លួនប្រមាណ ៤២ លានអឺរ៉ូ។ ក្រោយពីការមកលេងនៅទឹកដី Anfield បានមួយឆ្នាំលោកក៏ទទួលបានសំណើរមួយពីក្លឹបយក្ស Real Madrid ដើម្បីចង់ទិញខ្សែប្រយុទ្ធស្លាបស្ដាំវ័យ ២៧ ឆ្នាំ តែសំណើរមួយនោះត្រូវបានបដិសេធ។
ទន្ទឹមនឺងនោះនៅពីក្រោយការសម្រេចចិត្តដ៏ធំមួយនេះរបស់ Salah ក៏មានបុគ្គល ២ រូបដែលជាអ្នកណែនាំ ក៏ដូចជាទីប្រឹក្សាដល់រូបលោកផងដែរ ដែលបុគ្គល ២ រូបនោះគឺ អតីតគ្រូបង្វឹក និងជំនួយការក្រុមជម្រើសជាតិអេហ្ស៊ីបលោក Hector Cuper និងលោក Hany Ramzy។ ក្រោយពីបានទទួលបានការប្រឹក្សាយោបល់រួចរាល់ ខ្សែប្រយុទ្ធស្លាបស្ដាំសញ្ជាតិអេហ្ស៊ីបក៏សម្រេចចិត្តបោះបង់សំណើររបស់ក្លឹបស្ដេចស និងបន្តដំណើរជាមួយនឹងហង្សក្រហមមកទល់នឹងពេលបច្ចុប្បន្ន។
លោក Ramzy បានប្រាប់ទៅកាន់គេហទំព័រ OnTime Sports ថា៖ “កាលពីឆ្នាំ ២០១៨ ខ្ញុំនឹងគ្រូបង្វឹក Hector Cuper កំពុងធ្វើការជាមួយរួមគ្នានៅប្រទេសស្វីស ហើយគ្រានោះ Salah បាននិយាយគ្នាជាមួយនឹងខ្ញុំ ដោយគាត់ប្រាប់ថា Real Madrid បានដាក់សំណើរមកគាត់រួចរាល់ហើយ”។
លោកបន្តថា៖ “សំណើរនោះទៀតសោតគឺពិតជាគួរឲ្យចាប់អារម្មណ៍មែនទែន តែយ៉ាងណាមិញបន្ទាប់ពីធ្វើការពិភាក្សាគ្នាជាមួយខ្ញុំ និង លោក Cuper រួចរាល់ គាត់ [Salah] ក៏សម្រេចចិត្តបន្តលេងជាមួយនឹង Liverpool តទៅទៀត ព្រោះនៅទីនោះគាត់មានអារម្មណ៍កក់ក្ដៅជាងកន្លែងផ្សេង”៕
ប្រភព: Metro